Norðurlandamót 1999
 

Opið Norðurlandamót í karate fór fram laugardaginn 16. október í Laugardalshöllinni. Keppendur komu frá 7 löndum, um 50 talsins. Undanúrslit byrjuðu kl. 9.00 og keppt var á tveimur völlum, en á einum velli í úrslitum sem hófust kl. 15.00.

Yfir heildina fór mótið vel fram og tímaáætlun skipuleggjenda stóðst. Nokkur sýningaratriði voru á meðan á mótinu stóð og meðal annars bardagaatriði Ólafs Walleviks þar sem 3 aðilar gerðu árásir á hann á sama tíma. Einnig var fjöldasýning barna og unglinga frá öllum karatefélögum landsins og var fjöldinn vel á annað hundrað.