Í verðlaun voru veglegir farandgripir sem nokkur fyrirtæki gáfu, fyrir utan hefðbundnar metalíur.

Fyrst var keppt í kata barna. Þar voru margir líklegir sem æft höfðu undir Jónínu Olesen og Gests Skarphéðinssonar. Sigurður Arnar Jónsson sló í gegn er hann steig fram ákveðið og tilkynnti Taikyoku Jodan. Hann var greinilega mættur þarna til þess að sigra sem hann og gerði. Í 2. sæti varð Unnar Snær og 3. Bergþór. Allir keppendur sýndu ótrúlega leikni þótt ungir væru að árum (7-12 ára).

Í unglingaflokki voru menn ekki síður ákveðnir og allir stefndu á sigur eins og vera ber. Eftir tvísýna keppni varð Ragnar Logi hlutskarpastur en Davíð varð annar. Báðir sýndu Taikyoku Kakeuke og Taikyoku Gedan. Örlygur varð þriðji.

Því næst var kata fullorðinna. Þar var Sigurjón efstur með Gekisai en ýmsir sögðu að Halldór hefði ekki verið síðri nema síður sé. Ólafur varð þriðji en hann stóð sig frábærlega vel á mótinu.

Þá var komið að kumite. Þar gerðist ýnislegt óvænt. Fyrst tókst Halldóri að tapa snemma en fyrirfram var hann álitinn einna sigurstranglegastur. Hann var svo óheppinn að hann komst ekki einu sinni í uppreisnarflokkinn.

Áður nefndur Ólafur var duglegur og notaði einfalda tækni sem dugði vel. Hann varð þó að láta í minni pokann fyrir reyndari keppenda en hann kom mest á óvart og hefði vel átt skilið verðlaunasæti. Konráð varð í þriðja sæti e.t.v. vegna þess að hann var rændur einu stigi af dómara en svo sögðu sumir. Í 2. sæti hafnaði Einar eftir að hafa lumbrað á Sigurjóni eða var það öfugt? Sigurjón vann því tvöfalt.

Ólafur fékk viðurkenningu fyrir áhrifaríkustu tækni á mótinu, en ef velja hefði átt mann mótsins hefði það örugglega orðið Sigurður Arnar.

Stefán Alfreðsson

Kata barna:
1. Sigurður Arnar Jónsson
2. Unnar Snær Bjarnason
3. Bergþór Jakobsson

Kata unglinga:
1. Ragnar Logi Magnason
2. Davíð Sigþórsson
3. Örlygur Jakobsson Smári

Kata fullorðinna:
1. Sigurjón Gunnsteinsson
2. Halldór Svavarsson
3. Ólafur Helgi Hreinsson

Kumite:
1. Sigurjón Gunnsteinsson
2. Einar B. Þorsteinsson
3. Konráð Stefánsson